Nado en 1985 (Vigo) Manuel é un músico autodidacta multiinstrumentista con predilección por instrumentos de corda e de percusión, aínda que a batería gañou a batalla sendo a súa arma de guerra durante os últimos 21 anos. Fincado unha época da súa vida e usando como punto de partida (Dresde, Alemaña) xiras co artista de Rock/funky/Soul “Lord Bishop Rocks” por Europa, UK, USA, América do Sur e en solitario no tolo mundo Bollywood na India recentemente.  Pero máis importante para el son os seus inicios na cidade Olívica, tocando primeiro ao baixo e despois á batería na banda de temas propios Bleed, de disco/maqueta producida por Javier Abreu e nomeada a mellor directo galego por Maketón 40P. Ou formar parte de bandas como Stoned at Pompeii (Vigo) La Banda de Nash, Pablo Nash Band, podendo compartir grazas a eles, escenario con artistas da talla de Manolo Tena e outros. A destacar as bandas de versións que máis volume déronlle como Los Cacikes e Wondercovers, pero sen esquecer outras bandas pero outra vez de  temas propios como Fei Rock, Mon Cancela ou Dark Eternity nos inicios sendo esta última unha banda de Death Metal. Na actualidade ocúpao a banda tributo a Phil Collins (The Air Tonight Band) onde compartirá o escenario con míticos como Carlos Arévalo ou o camaleónico Alberto Cuña entre outros musicazos.

Músico orixinario de Vigo, formouse en guitarra e harmonía moderna na prestixiosa academia Ateneo Jazz de Madrid. Ao longo da súa carreira, colaborou cunha destacada lista de artistas, entre os que se inclúen nomes como Juan Rivas, Pablo Novoa, Vicente aka Codi, Wöyza, Josete Villanueva, Nicolás Pastoriza, Amaro Ferreiro e Iván Ferreiro, con quen compartiu escenario durante máis de doce anos, enriquecendo a súa traxectoria musical cunha colaboración constante.

Destacouse non só como músico de directo, senón tamén como músico de sesión. Contribuíu co seu talento a numerosas gravacións de destacados artistas e bandas, achegando a súa experiencia e versatilidade a unha ampla gama de proxectos musicais. Martiño tamén compartiu o seu coñecemento musical a través do ensino, impartindo clases en diversas academias de renome como Elite, Galicia Música e Tempo Musical. A súa experiencia e versatilidade no ámbito da música convérteno nun talento destacado na escena musical, tanto como intérprete como educador.