Taller Avanzado de Arranxos e Produción dun tema antes de gravar no estudio

Por Paco Serén

Deseñado para músicos e produtores que desexan levar as súas composicións ao seguinte nivel. Neste taller, mergullarémonos nos aspectos clave da creación e produción dun tema musical, centrando a nosa atención nos arranxos e na preparación previa á gravación no estudio.

Aínda que a inspiración é fundamental, a diferenza entre unha boa idea musical e un tema de éxito reside no traballo previo á gravación. Este taller ofrece as ferramentas e técnicas necesarias para optimizar a túa produción, asegurando que cada detalle estea no seu lugar antes de pisar o estudio.

 

Venres, abril 11, 2025

9.30 ata as 15:00

Pako Serén

Pako Serén

Músico e Produtor

2025 / Abril  

  • 11 .04.2025
  • VIGOSÓNICO I CONCELLO DE VIGO 
  • Rúa do Portal S/N (Parque Tecnolóxico de Valadares)
  • Paco Serén é un produtor audiovisual con máis de 30 anos no sector, desenvolvendo proxectos musicais e audiovisuais. Como fundador da banda española Os Piratas, compuxo temas como: “Anos 80” ou “Data de Caducidade”.

    Tamén traballou en proxectos para a TVG, creando gráficos, cabeceiras para televisión, vídeos científicos divulgativos para a Misión Biolóxica de Galicia-CSIC, vídeos promocionais e videoclips musicais. Estes videoclips gañaron premios en festivais internacionais como o Two Roads International Film Festival (Nova York) e o Accord Cine Fest (Bombai).

    Na parte máis visual céntrase en:

    • Gravación de vídeo: en locación ou estudo.

    • Edición: Composición e perfeccionamento do material gravado.

    • Postprodución: Corrección de cor, xestión de efectos visuais e mestura de son.

    Obxectivo do Taller

    O obxectivo principal deste taller é dotar aos participantes das habilidades avanzadas para:

    • Desenvolver arranxos que enriquezan o tema musical.
    • Producir e preproducir con eficacia, aforrando tempo e recursos no estudio.
    • Optimizar a estrutura e dinámica do tema, garantindo un son profesional dende o primeiro take de gravación.

    Qué Aprenderás?

    • Arranxos Avanzados: Como crear arranxos que complementen e melloren a túa composición, engadindo profundidade e interese ao tema.
    • Produción Musical: Técnicas para maximizar a calidade sonora e a coherencia do teu proxecto antes de gravar.
    • Preprodución: A importancia da preprodución na preparación de cada sesión de estudio, aforrando tempo e evitando erros comúns.
    • Preparación Técnica: Selección de equipos, configuración de instrumentos e organización do espacio para unha gravación eficiente.

    Para Quen Está Dirixido?

    Este taller está pensado para músicos, compositores, produtores e técnicos de son con experiencia previa que desexen perfeccionar as súas habilidades en arranxos e produción musical.