Taller de Creación Musical Asistida con Intelixencia Artificial:
Por Miguel Areán
Como podemos aproveitar a Intelixencia Artificial nas nosas creacións musicais? Neste obradoiro, exploraremos as últimas ferramentas empregadas para crear sons, compoñer cancións e producir música. Ademais, practicaremos con estas ferramentas para entender o seu funcionamento e a súa aplicabilidade nas nosas composicións.
Miguel Areán
Experto en Videoxogos / Galicia
- 03.10.2024
- VIGOSÓNICO I CONCELLO DE VIGO
- Rúa do Portal S/N (Parque Tecnolóxico de Valadares)
Miguel Areán, con máis de 25 anos de experiencia no sector TIC, é unha mente inquieta e creativa apaixonada pola xestión de proxectos e o deseño de videoxogos. O seu enfoque está centrado en facer que os proxectos funcionen de forma innovadora e eficiente. Ademais, Miguel disfruta dando charlas e compartindo os seus amplos coñecementos, sempre disposto a aprender daqueles que dominan outras áreas. A súa paixón pola formación levouno a adquirir unha extensa experiencia en diversos ámbitos, onde ten axudado a moitas persoas a desenvolver as súas habilidades.
Obxectivos do Obradoiro:
- Ubicar os Avances en IA: Analizar os avances recentes en Intelixencia Artificial, especialmente no campo da música, e entender as razóns detrás da actual explosión destas tecnoloxías.
- Afondar na Xeración Musical: Explorar diferentes modalidades de xeración musical aplicadas á composición, síntese, harmonía e produción.
- Visión Crítica: Obter unha visión crítica dos modelos máis recentes, as súas aplicacións e as súas implicacións éticas e de copyright.
- Práctica con Ferramentas Xenerativas: Poñernos mans á obra con distintas ferramentas xenerativas, explorando as súas opcións e experimentando coas súas fortalezas e debilidades.
- Aplicacións Creativas: Navegar entre diferentes casos de uso e estudar as súas aplicacións creativas para aplicar estas ferramentas no noso día a día.
Ao finalizar o obradoiro, os asistentes terán adquirido un coñecemento exhaustivo das últimas tecnoloxías en IA e música, capacitándoos para seguir explorando este campo pola súa conta. Para concluír, compartiremos as creacións realizadas durante a xornada.