SALA
PODCAST

A sala

Un espazo propio para dar vida aos teus proxectos creativos, sen custo e con equipo profesional.

Como reservar

A reserva faise baixo petición e con antelación.

Equipamento

O que atoparás na sala.

Se tes dúbidas sobre se o equipamento se axusta ao teu proxecto, escríbenos ou chama antes de reservar.

Bases de uso

Ao reservar comprométeste a respectar estas bases, en liña coas normas das salas de Vigosónico, para compartir a sala nun ambiente seguro e de convivencia.

1. Quen pode usala. A sala está pensada para a mocidade de Vigo: persoas empadroadas en Vigo ou matriculadas nun centro de ensino de Vigo (polo menos a metade das persoas participantes). Dase prioridade ás persoas menores de 35 anos. Non hai límite de uso.
2. Respecto e tolerancia. Sen mensaxes de odio, insultos nin discriminación por orixe, etnia, nacionalidade, relixión ou crenzas, idioma, sexo, identidade ou expresión de xénero, orientación sexual, idade, discapacidade ou condición social.
3. Sen propaganda política. Nin de partidos, organizacións ou candidaturas, nin contidos que ataquen ou ridiculicen persoas ou colectivos polas súas ideas.
4. Sen proselitismo relixioso. Nada que ofenda, desprece ou enfronte crenzas, comunidades ou etnias.
5. Contidos lícitos e seguros. Sen contidos ilegais ou violentos, nin datos ou imaxes de terceiras persoas sen o seu consentimento.
6. Dereitos de autor. Se usas música, sons ou textos alleos, precisas a autorización correspondente. A responsabilidade dos contidos e da súa difusión é de quen os grava.
7. Menores de idade. Deben presentar un documento de consentimento para o uso da sala, debidamente asinado pola súa nai, pai ou titor ou titora legal, na recepción ou por correo en vigosonico@gmail.com, antes da primeira quenda.
8. Acceso á sala. Só poden acceder as persoas participantes autorizadas na reserva. A persoa responsable do grupo rexistra a entrada co persoal de Vigosónico. Está prohibido o acceso a persoas alleas.
9. Horario e puntualidade. O horario inclúe a montaxe e a desmontaxe. Rogamos puntualidade ao abandonar a sala. Se non vas vir, avisa por correo, sempre que sexa posible con 48 horas de antelación, para liberar a quenda.
10. Estado do material. Ao comezar, comproba o estado da sala e do equipamento e comunica calquera incidencia ao persoal técnico. Non se pode mover material nin almacenar materiais sen o seu consentimento.
11. Convivencia e hixiene. Ao rematar, a sala debe quedar recollida e nas mesmas condicións en que a atopaches. Non está permitido fumar. Ten precaución coas bebidas non alcohólicas (auga e refrescos) para evitar incidentes co equipamento.
12. Alcohol, comida e substancias. Está prohibido beber alcohol, comer ou tomar calquera tipo de substancia non permitida na sala, así como asistir baixo os seus efectos. O incumprimento será motivo de expulsión durante un ano.
13. Coidado da sala e do equipamento. As paredes, o chan e o teito son elementos acústicos: está prohibido cravar, aparafusar, perforar ou manipulalos. Mantén as portas pechadas durante a gravación. A rotura puntual por uso continuado non se penaliza, pero a rotura reiterada ou por mal uso poderá levar a reposición dos danos.
14. Admisión e cancelación. Vigosónico pode denegar ou cancelar unha reserva, ou interromper unha gravación, se se incumpren estas bases. Reservar implica coñecelas e aceptalas.

Onde estamos

Vigosónico · Concellería de Xuventude do Concello de Vigo.