SALA
POLIVALENTE

A sala

Unha superficie versátil, climatizada e equipada, dentro do Parque Tecnolóxico de Valadares.

Usos

Pensada para actividades de interese para a mocidade e a comunidade, sempre gratuítas.

Importante: non se admite ningunha actividade que non sexa 100 % gratuíta, e hai que indicar se ten financiamento de outra entidade.

Equipamento e servizos

O que está dispoñible no espazo.

Como solicitar a sala

A solicitude faise por correo, con antelación, e valídaa a Concellería de Xuventude.

Bases de uso

Ao solicitar a sala comprométeste a respectar estas bases, en liña coas normas dos espazos de Vigosónico.

1. Gratuidade total. Só se admiten actividades 100 % gratuítas. Non se pode cobrar entrada, cota, matrícula, inscrición nin ningunha contraprestación económica ás persoas participantes.
2. Financiamento declarado. Hai que indicar se a actividade conta con financiamento, patrocinio ou colaboración doutra entidade. A Concellería de Xuventude valida cada solicitude.
3. Respecto e tolerancia. Sen mensaxes de odio, insultos nin discriminación por orixe, etnia, nacionalidade, relixión ou crenzas, idioma, sexo, identidade ou expresión de xénero, orientación sexual, idade, discapacidade ou condición social.
4. Sen propaganda política. Nin de partidos, organizacións ou candidaturas, nin contidos que ataquen ou ridiculicen persoas ou colectivos polas súas ideas.
5. Sen proselitismo relixioso. Nada que ofenda, desprece ou enfronte crenzas, comunidades ou etnias.
6. Actividades lícitas e seguras. Sen contidos ilegais ou violentos, nin datos ou imaxes de terceiras persoas sen o seu consentimento. Se se usan obras alleas, a entidade solicitante encárgase das autorizacións.
7. Menores de idade. Cando participen menores, a entidade debe contar co documento de consentimento asinado pola súa nai, pai ou titor ou titora legal, e responsabilizarse da súa supervisión.
8. Persoa responsable. A entidade designa unha persoa responsable da actividade, que rexistra a entrada co persoal de Vigosónico. Só poden acceder as persoas participantes; prohibido o acceso a persoas alleas.
9. Horario e puntualidade. O horario inclúe a montaxe e a desmontaxe. Rogamos puntualidade ao abandonar a sala. Se non se vai usar, avisa por correo, sempre que sexa posible con 48 horas de antelación.
10. Estado da sala e do material. Comproba o estado da sala e do equipamento ao comezar e comunica calquera incidencia ao persoal. Non se pode mover nin retirar material sen o seu consentimento.
11. Orde e coidado. A sala debe quedar recollida e nas mesmas condicións en que se atopou. Non está permitido fumar nin cravar, perforar ou manipular paredes, teitos ou o equipamento fóra do seu uso normal.
12. Alcohol e substancias. Está prohibido beber alcohol ou tomar calquera tipo de substancia non permitida, así como asistir baixo os seus efectos. O incumprimento será motivo de expulsión durante un ano.
13. Admisión e cancelación. Vigosónico pode denegar ou cancelar unha reserva, ou interromper unha actividade, se se incumpren estas bases. Solicitar a sala implica coñecelas e aceptalas.

Onde estamos

Vigosónico · Concellería de Xuventude do Concello de Vigo.