demosónico

 

FORMULARIO INSCRIPCIÓN 2026

DEMOSÓNICO: ESTUDO ABERTO

Este mes de maio, Vigosónico converterase nun epicentro de creatividade musical co lanzamento de “Demosónico: Estudo Aberto”, unha iniciativa única que abre as portas do estudio de gravación ás bandas locais de Vigo, con especial atención ás que ensaian nos locais de Vigosónico. Durante este mes, ata 8 bandas ou artistas terán a oportunidade de gravar unha demo da súa música, dispoñendo de 8 horas de estudio repartidas en dúas sesións de tarde. Esta é unha ocasión excepcional para conseguir unha gravación profesional que sirva de carta de presentación e promoción para os seus proxectos musicais.

Como Participar

Para ser unha das 8 bandas seleccionadas, aplicaranse unha serie de criterios que garantirán un proceso de selección xusto e equilibrado

Proceso de Selección

A selección dependerá dos puntos acumulados segundo os criterios establecidos anteriormente e da orde de inscrición. No caso de ser necesario un desempate, terase en conta o criterio profesional do persoal de Vigosónico.

Vigosónico resérvase o dereito de esixir documentación para demostrar que os datos deste formulario son certos: documentos de identidade, volantes de empadroamento, autorización de pai/nai/titor no caso de menores de idade ou documentos acreditativos que considere oportunos.

Se a túa banda é finalista, acordarase unha reunión previa de produción coa dirección do centro e o técnico de son, co obxectivo de avaliar as necesidades técnicas e definir os criterios que rexerán a gravación no estudio. Esta sesión busca recoller información clave para optimizar o proceso e garantir unha gravación de calidade e axustada ás expectativas das bandas.

    Unha Oportunidade Única

    Esta combinación de puntuación obxectiva e avaliación profesional asegura que a selección sexa diversa e de calidade, ofrecendo unha oportunidade xusta a todas as bandas para destacar e ser elixidas para esta emocionante iniciativa.

        

     

    Criterios de selección

    Ensaio en Vigosónico

    • Bandas que ensaian en Vigosónico: +10 puntos

    Empadroamento en Vigo*

    • Todos os membros empadroados en Vigo: +5 puntos

    • Máis do 50% dos membros empadroados en Vigo: +2 puntos

    Idade dos integrantes

    • Tódolos integrantes son menores de 35 anos: +5 puntos

    • O 50% dos integrantes, ou máis, son menores de 35 anos: +3 puntos

    Participación en obradoiros de CAMPUS Vigosónico*

    • Por cada obradoiro, o primeiro integrante de cada grupo que asista: +5 puntos por sesión

    • A partir do segundo membro que asista ao mesmo taller: +1 punto extra por sesión

    * Serán outorgados os puntos por asistencia a obradoiros do anterior trimestre se non foron gravados na anterior edición, sen necesidade de repetir os cursos.

    Produción musical propia

    • Grupos con temas propios: +5 puntos

    • Bandas ou artistas SEN maquetas gravadas: +5 puntos

     

    Concello de Vigo

    "

    Concellería de Xuventude do Concello de Vigo I Vigosónico.
    Rúa do Portal S/N (Parque Tecnolóxico de Valadares), CP 36315, Vigo.

    Teléfono: 986616388 · Horario: de Martes a Domingo, de 16.30 a 21.30 horas.                                                           Web:http//:www.vigosonico.com · https://www.xuventudevigo.org/ · Email: vigosonico@gmail.com