VIGOSÓNICO
XOGA
Xogos de mesa, rol e dinámicas colaborativas unha tarde de domingo ao mes, de 16.30 a 19.30 h. De balde, en familia e con inscrición previa.
Que é e para quen
Unha tarde de xogo compartido, aberta a todas as idades e sen coñecementos previos.
Lecer creativo
Xogos de mesa modernos, xogo de rol e dinámicas colaborativas como ferramentas de encontro, convivencia e aprendizaxe informal.
Interxeracional
Nenas e nenos, mocidade e familias na mesma mesa. Non é unha actividade infantil con acompañantes: xógase xunto.
Inclusivo
Sen coñecementos previos e sen material propio. As persoas monitoras explican cada xogo e acompañan as partidas.
Comunidade
Xente que non se coñece acaba na mesma partida. É a forma máis sinxela de entrar en Vigosónico e de volver.
Como é unha tarde de domingo
Con inscrición previa e sen falta de saber xogar: apuntarse, vir e sentar á mesa.
Inscrición
Unha persoa inscribe a toda a familia e indica cantas persoas van. Serve para controlar o aforo e ter as mesas preparadas.
Escolla de xogo
As monitoras propoñen segundo idades e número de persoas: familiar, rápido, cooperativo ou de estratexia.
Partidas
Explícase o xogo e xógase. Quen quere, cambia de mesa; quen quere, queda coa mesma partida toda a tarde.
Rol e novidades
Resérvase espazo para partidas de rol e para probar títulos novos que se incorporan ao fondo do centro.
Onde e cando
No salón multiusos e na cafetería, un domingo ao mes de outubro a maio, de 16.30 a 19.30 h. Pódese chegar e marchar á hora que se queira dentro dese tramo.
Quen a leva
Coordinación do centro máis monitora externa especializada en xogo de mesa, que programa as sesións e guía as partidas.
Calendario e inscrición
Seis domingos publicados dende o principio do curso. Escolle o domingo ao que queres ir e apúntate; se ides a varios, marca "varios de golpe".
Sempre o último domingo
Así é fácil de lembrar. Este curso non hai sesión en decembro nin en marzo, porque o último domingo cae entre Nadal e Aninovo e en Domingo de Pascua.
Como participar
Hai que inscribirse antes, porque as prazas son limitadas. Inscríbese unha persoa e indica cantas van da familia. Non fai falta traer nada.
- Cando
- Último domingo do mesDe outubro a maio · 16.30–19.30 h
- Onde
- Salón multiusos e cafeteríaParque Tecnolóxico de Valadares
- Para quen
- Todas as idadesActividade familiar
- Acceso
- GratuítoCon inscrición previa
Inscrición
Prazas limitadas. Actividade gratuíta e familiar. Inscríbete unha soa vez por domingo (ou por varios de golpe) e indica cantas persoas vides en total. Recibirás un correo de confirmación e lembraránche a semana antes e a véspera.
Escolle un domingo arriba para inscribirte.
