Un espazo público
para crear, ensaiar,
producir e conectar talento
para crear, ensaiar,
producir e conectar talento
DO 29 XUÑO AO 10 XULLO
LABORATORIO
DE CREACIÓN MUSICAL
PARA A MOCIDADE
01 — Que é o Laboratorio Musical?
Que é o
↓
Que é o
Laboratorio Musical?
O Laboratorio Musical para a Mocidade é unha proposta educativa e cultural, impulsada polo Concello de Vigo e pensada para que a mocidade viva unha experiencia transformadora arredor da música.
Durante dúas semanas, combinarán o traballo creativo co coñecemento real do sector musical: desde aprender a tocar e compoñer, ata producir cancións, planificar un concerto e comprender os dereitos de autoría.
Unha formación intensiva, divertida e útil para quen queira:
- Desenvolver o seu talento musical.
- Coñecer persoas coas mesmas inquedanzas.
- Contactar con profesionais en activo do sector.
- Descubrir posibles saídas profesionais no mundo da música.
02 — A xornada diaria
Bloque A · 09:30–11:30
Instrumento
& Bandas
& Bandas
- Guitarra, baixo, batería ou voz
- Traballo en combos musicais
- Ensaios de repertorio propio
- Activacións creativas
Bloque B · 12:00–14:00
Obradoiros
Especializados
Especializados
- Composición e produción
- IA musical
- Comunicación e dereitos
- Posta en escena
03
TODOS OS ESTILOS SON BENVIDOS·POP·ROCK·URBANA·FOLK·ELECTRÓNICA·CLÁSICA·EXPERIMENTAL·HIP-HOP·SOUL·JAZZ· TODOS OS ESTILOS SON BENVIDOS·POP·ROCK·URBANA·FOLK·ELECTRÓNICA·CLÁSICA·EXPERIMENTAL·HIP-HOP·SOUL·JAZZ·
04 — Obradoiros específicos
9 talleres prácticos
01
Composición e creación de cancións
02
Creación musical e aplicación de recursos dende a raíz
03
Comunicación, biografía e podcast para artistas. Crea o teu EPK
04
A música como industria: as diferentes profesións do sector
05
Prepara o teu directo: rider técnico e backline
06
Pipeline asistido por IA — como crear o teu personaxe no escenario
07
Como preparan os artistas profesionais as sesións de composición
08
Academia musical: clases de instrumento e composición colectiva
09
IA aplicada á composición e produción musical
05 — Equipo docente e mentores/as profesionais invitados/as
Os e as nosas profesionais
Wöyza
Música · Vocal Coach · Autora
Cantante e autora, asesora artística, vocal coach e pioneira referente do hip-hop soul e do R&B en lingua española e galega. Case 25 anos de traxectoria, con actuacións en toda a península ibérica e en cidades como Frankfurt, Nova York, Cidade de México, Zúric ou Montevideo. Colaborou con Carlos Núñez, Cristina Pato, Nach ou Fermín Muguruza. Tres Premios Martín Códax (2014, 2019 e 2021) e Premio Alfredo Iglesias pola súa traxectoria. Vén de lanzar o seu novo álbum "Valiosa".
Mingos Lorenzo
Músico · Compositor · Produtor
Formación superior en Saxofón Jazz e Son para Audiovisuais na EISV de Vigo. Varios Discos de Ouro como compositor e intérprete. Músico de sesión para Warner Music e Sony Music. Participou en sesións de composición con Lola Índigo, Ana Mena, Omar Montes, Beret, Vicco ou Pol Granch, entre moitos outros. Fundador e director da escola de música Aforart.
Salva Ronko
Locutor · Director do Maketón
Álter ego de Salvador García. Máis de 850 programas do Maketón en Los40 Vigo, 200 programas en TV e 24 edicións dos Premios da Música Maketón. Desde 2002, coordinador das emisoras do Grupo Radio Vigo (Los40, M80, Cadena DIAL, Máxima FM). Director artístico da "Gira 100 años Estrella Galicia" con máis de 100.000 asistentes.
Martiño Martínez
Guitarrista · Profesor Vigosónico
Formado en guitarra e harmonía moderna na academia Ateneo Jazz de Madrid. Colaborou con Juan Rivas, Wöyza, Josete Villanueva, Amaro Ferreiro e Iván Ferreiro, con quen compartiu escenario durante máis de doce anos. Músico de sesión en numerosas gravacións. Docente en academias Elite, Galicia Música e Tempo Musical.
María SOA
Música · Compositora · Docente
María Pérez, artísticamente María SOA. Creadora de Fillas de Cassandra, con espectáculos en Ortigueira, ZeidFest (Bilbo) ou o Festival Noroeste. Coautora da canción orixinal da película "Soy Nevenka" de Icíar Bollaín. Mestrado de Interpretación Solista no Conservatorio Katarina Gurska (Madrid, 2020) e Mestrado de Profesorado na UDC. Ex-directora da Escola de Música Compás de Vigo.
Toño López
Cantante · The Soul Jacket
Nado en Vigo en 1982. Vocalista e compositor de The Soul Jacket desde 2004, con seis discos e dous EPs percorrendo escenarios e festivais de todo o país. Vinte anos de carreira entre o blues, o soul e o rock. Actualmente en activo con Los Naipes, Top Secret e Blackstereo.
Álex García
Profesor de Batería · Vigosónico
Comezou a tocar a batería en 2009 da man de Hal 9000, batería de Los Piratas. Colaborou con Virandeira Folk, Xhamain, Antifragil e Villanueva, con xiras nacionais. Actualmente cursa o Grao Superior de Música Moderna e Jazz.
Miguel Areán
Produtor · IA Aplicada á Música
Fundador de Polygon-e e PolygoneStudios. Máis de 20 anos dedicado á tecnoloxía e á creatividade. Responsable de Faneka Gaming e CricktoGame. Formador en cursos FIP/AFD e FPO para numerosas institucións. Actualmente aplica a intelixencia artificial á composición musical e ao sector dos videoxogos.
María Ferreirós
Comunicación Cultural · Música
Graduada en Publicidade e RRPP (UVigo), Máster en Xestión de Industrias Culturais e Bootcamp UX/UI. Directora de Comunicación do Ollie Navia Festival (2023). Traballo en xestión cultural na Deputación de Pontevedra e produción do Morrasound Rock Fest. Xestiona identidade de marca para proxectos musicais e festivais.
Miguel Marcos
Músico · Produtor · Docente
Participou en máis de 40 discos. Compositor de bandas sonoras para cine, TV, publicidade e podcast. Dous proxectos artísticos: Le Voyeur e Nueva Tragedia, con 7 discos e xiras en España, Portugal, Francia, Inglaterra, Alemaña e EEUU. Dous libros publicados. Director do Área de Creación Musical e Narrativas Sonoras da Escuela de Escritores.
Rafael Freijanes · Solemne
Técnico de Son · Produtor Musical
Técnico de son e produtor vigués con máis de 20 anos de experiencia en estudio propio. Desde 2006 produce, mestura e masteriza para selos como Universal Music Spain, BOA Música e Wötown. En 2023 impartiu o obradoiro de Gravación e Mestura no Estudio Vigosónico. Compuxo partes musicais para series de televisión —A3media / Antena 3— e dirixiu a parte técnica do programa da Radio Galega "Seres de ben". Graduado Superior en Son pola E.I.S.V. de Vigo e mestre en Educación Primaria, coa especialidade de Audición e Linguaxe, pola Universidade de Vigo.
Javier de la Torre "JT"
Caracterización, Deseño de Personaxes e Animación Musical · EISV
Licenciado en Belas Artes pola Universidade de Vigo e xeneralista do sector audiovisual. É actualmente profesor na Escola de Imaxe e Son de Vigo (EISV), onde imparte materias de caracterización e deseño de personaxes, VDJ, animación e videoxogos. Ten en proxecto o pipeline de IA para produción audiovisual que se impartirá no centro. Colaborou na caracterización de personaxes para videoclips como "Omertá" de Bala ou na creación de escenarios CGI en "It's So Easy" de Eagles of Death Metal. Tamén foi DJ residente durante máis de 25 anos en locais da escena rock e soul de Pontevedra —o Xolda, Clan Cabaret, Pequeno Karma— e segue en activo.
Carolina López
Monitora de Tempo Libre e Ocio
Marta Herrero
Monitora de Tempo Libre e Ocio
Juan Rivas
Director de Vigosónico
Músico, compositor e produtor galego. Discos editados en Mercury/PolyGram, EMI e WEA Chappell. Ex-presidente do Consello Territorial da SGAE en Galicia e padroeiro da Fundación SGAE. Coordina Vigosónico, asesora proxectos de innovación nas industrias culturais e forma ás novas xeracións de artistas.
Coordinación e Dinamización
Carolina Rivas, Carolina López e Marta Herrero — monitoras especializadas en tempo libre e procesos creativos para a mocidade.
06–07 — Onde, cando e que levar
| Datas | Do luns 29 de xuño ao venres 10 de xullo de 2026 (dúas semanas consecutivas). |
| Horario | 09:30 a 14:00 de luns a venres. |
| Madrugadores | Servizo dispoñible dende as 08:30. |
| Friameira | De 14:00 a 15:00. |
| Lugar | Vigosónico · Estrada do Portal s/n, Valadares (Parque Tecnolóxico de Valadares) — entre o Centro de Maiores e a gardería Galiña Azul. |
| Idade | 13 a 25 anos cumpridos en 2026. Con ou sen formación musical previa. |
| Prazas | Esgotadas. |
| Que levar | Instrumento propio se o tes (guitarra, baixo…). A batería está dispoñible no local. Portátil ou tablet para os obradoiros de produción e IA musical. |
| Organiza | Concellería de Xuventude · Concello de Vigo. |
08 — Inscrición · Prazas esgotadas
Prazas esgotadas
As prazas desta edición están completas
Agradecemos o interese de todas as persoas que se inscribiron. Se queres estar ao tanto das próximas convocatorias, síguenos en @vigosonico ou visita vigosonico.com.
08 — Inscrición
Vén descubrir
a túa voz
Prazas esgotadas · Obrigado pola vosa participación