Política de cookies

Esta web usa moi poucas cookies, e ningunha para seguirte nin para
publicidade. Non hai Google Analytics, nin píxel de Facebook, nin nada semellante. Por
iso non che sae un aviso pedíndoche permiso: as que usamos están exentas.

1 · Que é unha cookie

Un ficheiro pequeno que a web garda no teu navegador para lembrar algo entre unha
páxina e a seguinte. Hai cookies imprescindibles para que un sitio funcione e hainas que
serven para medir audiencia ou para perfilar a quen navega. Aquí só temos das primeiras.

2 · As que usamos

Todas son cookies propias e técnicas, necesarias para prestar un servizo que ti
pediches expresamente. O artigo 22.2 da Lei 34/2002 exímeas de pedir consentimento.

3 · Servizos de terceiros

Dúas cousas desta web falan con servidores que non son nosos, e convén que o saibas
aínda que non poñan cookies:

• Formularios de inscrición. Cando lle das a enviar, os datos van a un servizo
  de Google (Apps Script) que os garda na folla de inscricións. Iso só pasa ao enviar,
  non ao navegar. O detalle está na
  política de privacidade.
• Tipografías. Algunhas páxinas aínda cargan fontes dende Google Fonts, o que
  implica que o teu navegador conecta cun servidor de Google e este ve a túa IP. Estamos
  migrando todas as fontes ao noso propio servidor para que deixe de pasar.

4 · Como xestionalas ou borralas

Podes ver, bloquear e borrar as cookies dende o teu navegador. Se bloqueas as técnicas,
a área de bandas deixará de funcionar; o resto da web segue igual.

• Chrome
• Safari
• Firefox
• Edge

5 · Cambios

Se algún día engadimos unha ferramenta que si precise consentimento —unha estatística,
un vídeo incrustado— aparecerá aquí e sairache un aviso para que decidas ti antes de que
se instale nada.