Política de privacidade

Vigosónico é un servizo público e gratuíto da Concellería de
Xuventude do Concello de Vigo. Para xestionalo precisamos algúns datos teus. Aquí
explicámosche cales, para que os usamos, canto tempo os gardamos e que podes
esixirnos en calquera momento.

1 · Quen trata os teus datos

O Concello de Vigo é quen decide para que se usan os teus datos. La Décima Planta
trátaos por conta del, como entidade adxudicataria da xestión de Vigosónico, e só
para o que o contrato lle encarga. Non os usa para ningunha finalidade propia.

2 · Que datos recollemos e para que

Inscricións no Campus (obradoiros e masterclases)

Inscricións na Academia e na Academia Exprés

Área de bandas e locais de ensaio

Para dar de alta unha banda e reservar local pedimos os datos de contacto do grupo e,
de cada persoa integrante, nome e apelidos, DNI, data de nacemento, enderezo e
empadroamento. Serven para acreditar quen usa as instalacións municipais, comprobar os
requisitos de acceso e organizar o calendario de ensaios.

Gravacións, fotografías e vídeo

Nalgunhas actividades —o Showcase e o Demosónico, e puntualmente noutras— grávase son e
imaxe. Iso explícase sempre nas bases da convocatoria e pídese o teu permiso por
separado. Podes participar na actividade e non consentir a difusión das imaxes.

Cando nos escribes

Se nos mandas un correo ou nos chamas, gardamos o que faga falta para responderte.

3 · Por que podemos tratalos

A base principal é o cumprimento dunha misión realizada en interese público
(artigo 6.1.e do Regulamento Xeral de Protección de Datos). Vigosónico é un servizo
público municipal, e a competencia do Concello en actividades culturais e de ocupación
do tempo libre está na Lei 7/1985 reguladora das bases do réxime local e na Lei 6/2012,
do 19 de xuño, de xuventude de Galicia.

Iso vale tamén para o NIF e o volante de empadroamento: non os pedimos por curiosidade,
senón porque o acceso ao servizo está condicionado a estar empadroado/a ou matriculado/a
en Vigo e hai que poder acreditalo.

Dúas cousas van polo teu consentimento (artigo 6.1.a), e podes retiralo cando
queiras sen que iso afecte á túa praza: recibir avisos de próximas actividades, e a
difusión de fotografías ou gravacións nas que apareces.

4 · Se es menor de idade

5 · Canto tempo os gardamos

• Inscricións e listas de agarda: durante o curso e despois o tempo necesario
  para xustificar o servizo ante o Concello de Vigo e mentres poidan derivarse
  responsabilidades da actividade.
• Volantes de empadroamento e matrículas: mentres dura o proceso de adxudicación
  de prazas e a súa xustificación. Despois destrúense.
• Lista de avisos de novidades: ata que te deas de baixa, cousa que podes facer
  respondendo a calquera dos correos.
• Datos das bandas: mentres a banda siga usando os locais, e despois o prazo de
  xustificación do servizo.

6 · Quen máis ve os teus datos

Os teus datos non se venden nin se ceden a ninguén con fins comerciais. Acceden a eles
só quen precisa facelo para que o servizo funcione:

• O Concello de Vigo, como responsable do servizo.
• O persoal de Vigosónico que xestiona as inscricións e as clases.
• Google Ireland Limited, porque as follas de inscrición, os documentos
  adxuntos e o correo automático de confirmación funcionan sobre Google Workspace.
• SuperHosting.BG (Bulxaria), que é onde está aloxada esta web.
• As administracións públicas ás que haxa que remitir os datos cando unha lei
  o esixa.

Transferencias fóra da Unión Europea

Google pode tratar datos nos Estados Unidos. Está adherida ao Marco de Privacidade de
Datos UE-EEUU, que a Comisión Europea considera un nivel de protección adecuado. O
aloxamento da web está dentro da Unión Europea.

7 · Os teus dereitos

Podes pedirnos en calquera momento acceder aos teus datos, rectificalos se
están mal, suprimilos, limitar o seu uso, opoñerte a que os tratemos
e levalos contigo a outro sitio. Tamén podes retirar os consentimentos que deras.

Como o responsable é o Concello de Vigo, o camiño máis directo é escribir á súa delegada
de protección de datos, dpd.vigo@vigo.org, ou
presentar a solicitude no rexistro do Concello (Praza do Rei 1, 36202 Vigo (Pontevedra)). Se che resulta
máis cómodo, escríbenos a vigosonico@gmail.com
e dámoslle traslado nós.

Se cres que non atendemos ben a túa solicitude, podes reclamar ante a Axencia Española
de Protección de Datos (www.aepd.es),
que é a autoridade de control.

8 · Cambios nesta política

Se cambia algo relevante —un servizo novo, un dato novo que haxa que pedir— actualizamos
esta páxina e cambiamos a data de arriba. Se o cambio te afecta directamente, avisámoste
por correo.