Introdución a FMOD: Motor de Efectos de Son para Videoxogos e Aplicacións
Por Lucila Txanto
FMOD para Unity é unha potente ferramenta de audio deseñada para integrar e controlar de maneira eficiente o son e a música nos xogos desenvolvidos en Unity. FMOD ofrece unha ampla gama de características e funcionalidades, incluíndo unha interface de usuario intuitiva, unha biblioteca de sons e efectos predefinidos, así como ferramentas de mestura e edición.
Con FMOD, os desenvolvedores poden crear ambientes sonoros inmersivos e realistas, engadir efectos especiais e sons espaciais, e implementar bandas sonoras dinámicas que se adapten ás accións do xogador. Ademais, FMOD permite controlar os parámetros do audio en tempo real, como o volume, a panoramización e a reverberación, para lograr unha experiencia de xogo personalizada.
Xoves, decembro 05, 2024
19.00 ata as 21:00
LUCILA (Dj LLxanto)
Director Vigosónico / Gestor Cultural
- 05. 12.2024
- VIGOSÓNICO I CONCELLO DE VIGO
- Rúa do Portal S/N (Parque Tecnolóxico de Valadares)
LLXNTO é DJ, produtora e compositora arxentina afincada en Galicia dende fai case unha década. Neste tempo desenvolveu multiplicidade de proxectos artísticos, entre os que podemos atopar o seu proxecto unipersoal BABYKATZE onde se ocupa da produción, composición, realización dos seus propios videoclips e outros formatos, como Live Sessions, incluíndo a súa recente incursión no 3D. Tamén a podemos atopar baixo o pseudónimo de LLXNTO como DJ residente de 3 dos clubs nocturnos máis importantes de Vigo, Mondo Club, Sala Doppler e Radar Estudios. En ambos proxectos tamén participou da creación da música e ambiente sonoro de obras de danza como «Emigrantas» de Kirenia Acosta, «EM·NA» e «TABÚ» do Colectivo Glovo, ou «Intempestiva» e «NÓ» de Elahood.
Obxectivos do Obradoiro:
- Familiarización con FMOD: Introdución á interface de usuario de FMOD e ás súas principais características.
- Integración de Audio en Unity: Aprender a integrar FMOD con Unity para controlar o audio dentro do xogo.
- Creación de Ambientes Sonoros: Desenvolver habilidades para crear sons envolventes e realistas que melloren a experiencia de xogo.
- Uso de Efectos e Sons Espaciais: Aplicar efectos especiais e sons espaciais que reaccionen ás accións do xogador en tempo real.
- Implementación de Bandas Sonoras Dinámicas: Aprender a crear bandas sonoras que se adapten de forma dinámica ás diferentes situacións do xogo.
- Control de Parámetros de Audio: Explorar como axustar o volume, a panoramización e a reverberación en tempo real para unha experiencia de xogo personalizada.
A quen está dirixido: Este curso está dirixido a desenvolvedores de xogos, deseñadores de son, e calquera persoa interesada en mellorar as súas habilidades de integración de audio en Unity usando FMOD. Non se require experiencia previa con FMOD, pero é recomendable ter coñecementos básicos de Unity.